EM 873 - oŋk-ʃʲimər-toa̯wt pøæ̯ltəp kom tok oːləji kojiː

Text + Metadata Translation

Original Title	Dialect	Informant	Genre Form	Genre Content	ID	glossed	Audio
oŋk-ʃʲimər-toa̯wt pøæ̯ltəp kom tok oːləji kojiː	eastern mansi (EM)	Afanasij; Kraftšinkov, Stepan Michejitš; Jutkin, Andrei Ivanovitš	prose (pro)	Tales (tal)	873	–	–

Text Source	Editor	Collector
Wogulische Volksdichtung III. MSFOu, volume 111, p. 57		Kannisto & Liimola (KL)

English Translation	German Translation	Russian Translation	Hungarian Translation
"Man making a fire with lumps of resin"	"Harzklumpenfeuer brennender Mann"	–	–
	by Kannisto, Artturi

Citation
Kannisto & Liimola: OUDB Eastern Mansi Corpus. Text ID 873. Ed. by Janda, Gwen Eva. http://www.oudb.gwi.uni-muenchen.de/?cit=873 (Accessed on 2024-04-20)

oŋk-ʃʲimər-toa̯wt pøæ̯ltəp kom tok oːləji kojiː

oŋk-ʃʲimər-toa̯wt pøæ̯ltəp kom tok oːləji koji. eːləl teːləm neː(ɣ) øæ̯t uːʃʲəntøæ̯li, eːləl teːləm kom øæ̯t uːʃʲəntøæ̯li. ækʷ-mæːʃʲywt loa̯wi: “sɒr neːŋ ʃʲøæ̯r, koməŋ ʃʲøæ̯r sonsiːlæxʷ jæːləxʷ”, loa̯wi.

towəl-wojt ti nʲowəmtəs ti minəs, minəs ti minəs, ækʷ-mæːʃʲywt kom koːjəs. sisətæːt søæ̯t lont wøæ̯nt kuntənti. tit oŋk-ʃʲimər pøæ̯ltəp kom kitiliːtə: “søæ̯t lont wøæ̯ntəntəl om oŋk-ʃʲimər-toa̯wtəmtəl peːltaxtiːmən?”, loa̯wi. søæ̯t lont wøæ̯nt iʃʲəp kom løæ̯tti: “tit oŋk-ʃʲimər-tøæ̯wtəntəl næːr wøæ̯rlalwə?”, loa̯wi. “om tit oŋk-ʃʲimər-toa̯wtəmtəl muːjəŋ lʲoŋk koːntəŋ lʲoŋk tæw lilətæːtəl liltaːm”, loa̯wi. søæ̯t lont wøæ̯nt iʃʲəp kom løæ̯tti: “om pil tit søæ̯t lont wøæ̯ntəmtəl muːjəŋ lʲoŋk koːntəŋ lʲoŋk tæw lilətæːtəl liltɣəm”, loa̯wi. oŋk-ʃʲimər-toa̯wtəŋ kom løæ̯tti: “peːltaxtiːmən”, loa̯wi. søæ̯t lont wøæ̯ntəŋ kom løæ̯tti: “tam”, loa̯wi, “øæ̯t peːltaxtiːmən”, loa̯wi. oŋk-ʃʲimər-toa̯wtəŋ kom oŋk-ʃʲimər-toa̯wtətæːm nok-pisəwləstə, nok-piləjəs. oŋk-ʃʲimər-toa̯wtəŋ kom løæ̯ttiː om muːjəŋ lʲoŋk koːntəŋ lʲoŋk koːntətmə tok ti korɣətəɣæːnəm”, loa̯wi. ni-ʃʲyw keːs pisəwliːtə, ækʷ noŋkælʲ wæɣni. toa̯wt-nʲiləm rɒwəkti seːməl tol pøæ̯ŋkəŋ tol kuːrnə. oŋk-ʃʲimər-toa̯wtə køæ̯t-pættʲəl læp-wɒtiːtəstə, jɒl-lʲæpsətəs. moːt komtə tɒri løæ̯tti: “teː”, loa̯wi, “næɣ peːltæxʷ øæ̯t taŋkiːlən?”, loa̯wi. moːt komtə løæ̯tti: “øæ̯tʲəx”, loa̯wi, “peːltaxtiːmən”, loa̯wi. peːləpaxtsæɣ.

oŋk-ʃʲimər-toa̯wt øæ̯lpəl pøæ̯ltəm kom søæ̯t lont wøæ̯ntətæːm wistə, søæ̯t lont wøæ̯ntətæːm jøæ̯ŋkəm-woːjəl poːlʲəm-woːjəl tixtiːtə. Pæri-kitilaxti: “søæ̯t lont wøæ̯nt, tunʃʲiːnə?”, loa̯wi. “eː”, loa̯wi, “tunʃʲəw.” Søæ̯t lont wøæ̯nt sist kiɣnæɣ jimtaːt, kiɣnæɣ jimtsət. Søæ̯t lont wøæ̯nt ækʷmæːʃʲt loa̯wsət: “winə mæt oŋk-ʃʲimərən wæjæːlən!” loa̯wi. komtə kʷɒt-køæ̯mʃʲətəs: “pæri pil tɒtəslæːn?”, loa̯wi. “tɒtəsləw”, loa̯wi. toːnənæntəl ilælʲ minaːt.

minəst, minəst, ækʷ kom ilælʲ koːjəst. jiːw-oːʃʲməʃʲ kom øæ̯lmənti. oŋk-ʃʲimər pøæ̯ltəp kom kitiliːtə: “jiːw-oːʃʲməʃʲən tiɣ peːltiːlən?” loa̯wi. “tam”, loa̯wi, “øæ̯t peːltiːləm”, loa̯wi. “om jiːw-oːʃʲməʃʲəmtaːl koməlʲ oːlaːm?” loa̯wi. “muːjəŋ lʲoŋk koːntəŋ lʲoŋk tæw lilətæːtəl liltaːm”, loa̯wi. “næɣ oŋk-ʃʲimər-toa̯wtəntəl kʷɒt joxtaːm?” loa̯wi. oŋk-ʃʲimər-toa̯wt pøæ̯ltəp kom oŋk-ʃʲimər-toa̯wtæːm pisəwləstə, oŋk-ʃʲimər-toa̯wt wæɣətəs; toa̯wt-nʲiləm æːkʷəŋ seːməl tol pøæ̯ŋkəŋ tol kuːrnə noŋkə ti wæɣətəs. “om” loa̯wi “muːjəŋ lʲoŋk koːntəŋ lʲoŋk liləm tokælʲ ti køæ̯li”, loa̯wi. “jøæ̯ peːltaxtiːmən?” loa̯wi. “is øæ̯tʲəx” loa̯wi, “peːltaxtiːmən”, loa̯wi. peːləpaxtsæɣ. oŋk-ʃʲimər-toa̯wt tɒtwəs. ti ʃʲywt pæri-kitilaxti: “jiːw-oːʃʲməʃʲ”, loa̯wi, “tunʃʲaːn?” “tunʃʲaːm”, loa̯wi. ti ʃʲywt sist kiɣnæɣ jimti, ækʷ kiɣnæɣ jimtəs. ti ʃʲywt jiːw-oːʃʲməʃʲ ti loa̯wəs: “winə mæt oŋk-ʃʲimər-toa̯wtən wæjæːlən!” loa̯wi. oŋk-ʃʲimər pæri-tɒtliːtəws. toːnətæːtəl uːs ilælʲ minəs.

minəs, minəs, uːs kom koːjəs, pɒnlə(ɣ)-oːʃʲtər kom øæ̯lmənti. kom løæ̯tti: “pɒnlə(ɣ)-oːʃʲtərəntəl oŋk-ʃʲimər-toa̯wtəl peːltaxtiːmən?” tɒt pɒnlə(ɣ)-oːʃʲtərəŋ kom loa̯wi: “tamə”, loa̯wi, øæ̯t peːltaxtiːmən”, loa̯wi. “om muːjəŋ lʲoŋk koːntəŋ lʲoŋk tæw lilətæːtəl liltaːm”, loa̯wi. oŋk-ʃʲimər-toa̯wt pøæ̯ltəp kom løæ̯tti: “om pil muːjəŋ lʲoŋk koːntəŋ lʲoŋk oŋk-ʃʲimər-toa̯wtəmtəl liltaːm”, loa̯wi. oŋk-ʃʲimər-toa̯wt pøæ̯ltəp kom oŋk-ʃʲimər-toa̯wtətæːm noŋkə ti pisəwləstə. toa̯wtə ti wæɣətəs; toa̯wt-nʲiləm seːməl tol pøæ̯ŋkəŋ tol kuːrnəl rɒwəkti. oŋk-ʃʲimər-toa̯wt pøæ̯ltəp kom loa̯wi: “jøæ̯ peːltaxtiːmən?”, loa̯wi “muːjəŋ lʲoŋk koːntəŋ lʲoŋk tokælʲ ti øæ̯rtəɣæːnəm” loa̯wi. “is ti peːltaxtiːmən”, loa̯wi. peːltaxtsæɣ. oŋk-ʃʲimər-toa̯wt pøæ̯ltəp kom kitilaxti: “jøæ̯” loa̯wi, “pɒnəl-oːʃʲtər, tuʃʲɣən?”, loa̯wi. “tuʃʲɣəm”, loa̯wi. “oŋk-ʃʲimər-toa̯wtæːmən tɒtwəs?”, loa̯wi. pɒnəl-oːʃʲtər loa̯wi: “tɒtwəs.” ti ʃʲywt sist kiɣnæɣ jimti, ækʷ kiɣnæɣ jimtəs. pɒnəl-oːʃʲtər loa̯wəs: “winə mæt oŋk-ʃʲimər-toa̯wtən wæjæːlən!” loa̯wi. oŋk-ʃʲimər-toa̯wt pæri-tɒtliːtəws. toːnətæːtəl kom ilælʲ minəs.

minəs ti minəs, kʷɒʃʲə lʲi wɘːtʲ minəs. uːs kom koːjəs. kom sɒɣrəp øæ̯lmənti. oŋk-ʃʲimər-toa̯wt pøæ̯ltəp kom løæ̯tti: “tit sɒɣrəpən”, loa̯wi, “oŋk-ʃʲimər-toa̯wtəl tiɣ peːltiːlən?” loa̯wi. kom loa̯wi: “øæ̯jə!”, loa̯wi. “tit sɒɣrəpəmtaːl muːjəŋ lʲoŋk koːntəŋ lʲoŋk kʷɒtælʲ joxtaːm?”, loa̯wi. ti ʃʲywt loa̯wi: “om pil oŋk-ʃʲimər-toa̯wtəmtəl”, loa̯wi “muːjəŋ lʲoŋk koːntəŋ lʲoŋk tæw lilətæːtəl liltaːm”, loa̯wi. oŋk-ʃʲimər-toa̯wt nok ti pisəwləwəs pil toa̯wt pæːmə seːməl tol pøæ̯ŋkəŋ tol kɒlnə noŋkə rɒwəkti. oŋk-ʃʲimər-toa̯wtə jɒl-pisəwləstə, jɒl-kɒrəmtəs. “jøæ̯” loa̯wi, “peːltaxtiːmən?”, loa̯wi. “is ti peːltaxtiːmən”, loa̯wi. peːltaxtsæɣ. sɒɣrəpæːt sisətæːt tunʃʲi. kitiliːtə: “sɒɣrəp, tuʃʲɣən?” “tuʃʲɣəm”, loa̯wi. ti ʃʲywt sɒɣrəpæːt kiɣnæɣ jimti, ækʷ kiɣnæɣ jimtəs. ti ʃʲywt sɒɣrəpæːt loa̯wəstə: “winə mæt oŋk-ʃʲimər-toa̯wtən wæjæːlən!” loa̯wi. ti ʃʲywt oŋk-ʃʲimər-toa̯wt pæri-tɒtliːtəws. oŋk-ʃʲimər-toa̯wtə wistə ti minəs.

minəs, minəs, ækʷ kom uːs koːjəs. ɒlən-seːtəp-mɒnʲtə øæ̯lmənti. “tit ɒlən-seːtəp-mɒnʲtən oŋk-ʃʲimər-toa̯wtəl tiɣ peːltiːlən?” “tam”, loa̯wi: “øæ̯t peːltiːləm”, loa̯wi. “om witʲəŋ mɘː toːsəm mɘː tæwtøæ̯læːt joxtən øæ̯mələm øæ̯tʲi”, loa̯wi. oŋk-ʃʲimər-toa̯wt pøæ̯ltəp kom loa̯wi: “om oŋk-ʃʲimər-toa̯wtəmtəl muːjəŋ lʲoŋk koːntəŋ lʲoŋk øæ̯rtaːm”, loa̯wi. oŋk-ʃʲimər-toa̯wtətæːm ti ʃʲywt pisəwləstə. oŋk-ʃʲimər-toa̯wt piləjəs pil wæɣətəs. toa̯wt pæːmə seːməl tol pøæ̯ŋkəŋ tol kɒlnə rɒwəkti. towəl-wojəl jɒl-pisəwləstə, jɒl-kɒrəmtəs. “jøæ̯” loa̯wi, “peːltaxtiːmən?”, loa̯wi. “is ti peːltaxtiːmən”, loa̯wi. peːltaxtsæɣ. ɒlən-seːtəp-mɒnʲtətæːm sisnə tɒwriːtəstə. ti ʃʲywt kitilaxti: “ɒlən-seːtəp-mɒnʲtə, tunʃʲaːn?” loa̯wi. “tunʃʲaːm”, loa̯wi. “oŋk-ʃʲimər-toa̯wtæːmən ti tɒtwəs?”, loa̯wi. “tɒtwəs”, loa̯wi. ti ʃʲywt sist kiɣnæɣ jimti, ækʷ kiɣnæɣ jimtəs. ækʷ-mæːʃʲywt ɒlən-seːtəp-mɒnʲtə løæ̯tti: “winə mæt oŋk-ʃʲimər-toa̯wtən wæjæːlən!” loa̯wi. oŋk-ʃʲimər-toa̯wt pæri-tɒtliːtəws. peːltæm komæːn, ɒlən-seːtəp-mɒnʲtə, sɒɣrəp, pɒnlə(ɣ)-oːʃʲtər, jiːw-oːʃʲməʃʲ, søæ̯t lont wøæ̯nt jøæ̯ŋkəm-woːjəl, poːlʲəm-woːjəl tixtwət. nɒmtæːnəl tiɣ i joŋki, peːs koʃʲæjnæːnəl æːləsæːnəl. ilælʲ minəst. minəst, minəst, søæ̯rəs-wɘːtæːn joxtsət. sɒsəməst.

søæ̯rəs øæ̯ləm-pøæ̯lt uːs wonliː, uːs-uːtrəŋ-uːs. sɒɣrəp jitə koji, sɒɣri, kotəlæːt køæ̯li sɒɣri. sɒɣrəs, sɒɣrəs, eːl-ol kʷæl wottəs. moːtət kʷæl-jiːwtʲnə pymtəs; nɒr jæxtli, tɒti juw. kʷæl-toa̯ɣəl jiːwtʲmə sok juw-tɒtəstə, kʷæːliː nok sɒɣrəxʷ pymtəstə. tæw kʷæːlə nok sɒɣərkæːt ækʷ-mæt limʃʲ-pymʃʲ-mætərnə joxtwəs. tæw kʷɒtəx søæ̯mt sɒɣri, tɒn limʃʲ-pymʃʲ-kar mini, sɒɣrəpmə tærməl tunʃʲpiːtə; næːr sonsi, sɒɣrəpmə sonsi. sɒɣrəp køæ̯tøæ̯ kʷɒt-sɒkøæ̯. sɒɣrəp kotəl-jɘːt ʃʲywt kʷælnə juw-pæɣərmæːtəs. sɒɣrəp jim ji-pøæ̯lt ækʷ-mæːʃʲt limʃʲ-pymʃʲ-kar juw-pæɣərmæːtəs. oŋk-ʃʲimər-toa̯wt pøæ̯ltəp kom koʃʲæjnæːnəl løæ̯tti: “jøæ̯” loa̯wi, “næːr løæ̯ʃʲəm wonliːnə?” loa̯wi. “øæ̯t pɒrəwliːlæːn?” loa̯wi. towəl-wojt ti pɒrəwləws: kon sɒɣri, kon nɘːkʷi, kon pori, kon kɒjnəti, kon peːrsi. nʲor poːrʃʲəkæːt kʷolʲtəs. ton ti poːrʃʲəkæːt oŋk-ʃʲimər-toa̯wtəl wotpəstə, oŋk-ʃʲimər-toa̯wtmə nok-pisəwləstə, piləjəs. oŋk-ʃʲimər-toa̯wtə mɒrəʃʲ tɒjliːtəs, jɒl kɒrəmtəstə. oŋk-ʃʲimər-toa̯wtə il-øæ̯lməjəstə, limʃʲ-pymʃʲ-øæ̯nʃʲəx æːləm-mɘːtə pil øæ̯t kɒssəxti, lo-sim-owlə pil øæ̯t kɒssəxti.

sɒɣrəp kʷæːlə sɒɣrəxʷ pymtəs. oŋk-ʃʲimər-toa̯wt pøæ̯ltəp kom koʃʲæjnæːnəl ɒlən-seːtəp-mɒnʲtətæːtəl uːs-uːtrəŋ uːsnə minəsæɣ neː tuːlməntæxʷ. ɒlən-seːtəp-mɒnʲtə witʲ ɒst kɒjtəmli, nortəx teːli. ton nortəx mænt oŋk-ʃʲimər-toa̯wt pøæ̯ltəp kom søæ̯rəʃʲ sopiː kɒjtəs. minəsæɣ, minəsæɣ, ækʷ-mæːʃʲt, øæ̯l kʷɒʃʲə minəsæɣ øæ̯l wɘːtʲ minəsæɣ, søæ̯rəʃʲ øæ̯ləm-pøæ̯lən joxtsæɣ.

uːs-uːtrəŋ kʷælnə joxtsæɣ. kʷæːlə(ɣ) ɘːwtal sorəmtal kʷæl. koməlʲ juw-tuːxʷ? tæw ɘːwæːt oːləskæːt pil korkiː nɘːkʷəm wimæːs. ton wimæːs jɒl-pøæ̯lt kojøæ̯t ɘːxtəsəŋ-moa̯ɣləp søæ̯t oːtər, uːrəkæɣ kojøæ̯t. ton ɘːxtəsəŋ-moa̯ɣləp søæ̯t oːtər kojnæːnəl wojəl ɒlən-seːtəp-mɒnʲtə ækʷ jɒlælʲ peːrsəsæːn. korkiː nɘːkʷəm wimæːs mænt juw-tuːs. jini-sæm uːməʃʲ-sæm wiʃʲəŋ nøæ̯jmə reːtəŋ woj kurəm reːtəl reːttəstə, reːtəŋ woj nʲilə reːtəl reːttəstə. ækʷ nɒmtnə reːttaxtsæɣ, ækʷ søæ̯jtnə reːttaxtsæɣ.

toːnəntəl nʲowəmtəsɣə pæri. ɒlən-seːtəp-mɒnʲtæːm eːltə-pøæ̯lətæːn tøæ̯rəmæːtəstə lʲoŋk ponəxʷ. ɒlən-seːtəp-mɒnʲtə kɒjtəmləs, sæjkəmləs. minəsæɣ, minəsæɣ, oa̯ləw joxtsæɣ. ɒlən-seːtəp-mɒnʲtə ækʷæːn mɒnʲəktæxʷ, nʲirəktæxʷ ti pymtəs, oːlnə(ɣ) ækʷ oːtər jɒt ti nʲirəsəwəs. witʲ kuːrnə noa̯ləw nʲirəsəwəs, witʲən pæːtəs. oːtər oa̯jɣəl tæːrətəs. “uːs-uːtrəŋ-oːtər”, loa̯wi, “witʲən pæːtəs”, loa̯wi. “witʲnəl oːtərmə pɘː-wikəlæːn!” loa̯wi. ti ʃʲywt pɘːwəl-toa̯ɣəl uːs-toa̯ɣəl øæ̯təmt kɒmətəst: “tit”, loa̯wi “næːr jimtəs?” loa̯wi. “ækʷ-mætər jæːləs”, loa̯wi “ji-sæm pupi-sæm” loa̯wi, “sɒlʲ teːxʷ puːt teːxʷ” loa̯wi; “oːtərəw pil ti ʃʲywən teːxʷ ti nʲorwəs”, loa̯wi, “tɒtiːləwəs. jini-sæm, uːməʃʲ-sæm nøæ̯jəw øæ̯t ti tɒtwəs, øæ̯t tøæ̯jəpəws?” loa̯wi. kʷɒs kotɣæːnəl jo tɒtwəs. toːnənæːntəl løæ̯ttaːt: “sɒr tøæ̯ŋk” loa̯wi, “tɒtæːnəl! møæ̯ŋk joxtəw”, loa̯wi.

øæ̯lmən oŋk-ʃʲimər-toa̯wt pøæ̯ltəp kom kʷæːlə pɒnsəs. ɒlən-seːtəp-mɒnʲtə koʃʲæjnæːt tɒri løæ̯tti: “juw-toːrtaxtən!” loa̯wi. “møæ̯n”, loa̯wi “koːntən ti jiwəw.” oŋk-ʃʲimər-toa̯wt pøæ̯ltəp kom neːtæːtəl juw-toːrtaxtsæɣ witʲəŋ jiːw æt nøæ̯rpəl, toːsəm jiːw koːt nøæ̯rpəl. tøæ̯n ti kʷolʲtsət. ækʷ-mæːʃʲywt niɣəlwəst tɒlʲkə sɒɣrəpæːm woːr-nʲɒlnə. jist, jist pil søæ̯rʃʲət jikæːnəl, pøæ̯ŋkiː ti keːləjəst, æjəlæːn witʲ-kɒl ti(ɣ) øæ̯tʲi.

tiɣ joxtsət. tunʃʲəlmæːtsət pil pɒsəm-seːxʷ køæ̯lnə kojtəl mɘː-sɒw køæ̯lnə kojtəl jælətæːpətsæːnəl. ækʷ-mæːʃʲywt oŋk-ʃʲimər-toa̯wt ti wæɣnəs. wæɣnəs ti wæɣnəs, minəp ʃʲɒxəl læntəŋ soj kojtəl lætɣi. ækʷ-mæːʃʲywt toa̯wt sojə ti roa̯ɣnəs. kɒrilæːp toa̯wt kojtəl sæːrə lʲætɣi. søæ̯t lont wøæ̯nt lʲæɣətæːpətsæːnəl. noː ʃʲiʃʲɣəxʷ ɒjɣəxʷ! ti ʃʲiʃʲəɣsət ti(ɣ) ɒjɣəst. ækʷ-mæːʃʲt køæ̯lʲnæːnəl ti roa̯ɣnəs, lʲoːmiː-tornə pæːtsət. ækʷ-mæːʃʲt jiːw-oːʃʲməʃʲ ti læːpəs. jiːw-oːʃʲməʃʲ læːpmæːt wojəl jælwəl-tor kʷolʲ-tor ræɣəmtəs. ækʷ-mæːʃʲt pɒnəl-oːʃʲtər pupi-tor kʷolʲ-tor ræɣəmtəs. pupi-torəl kʷolʲ-torəl jeːkʷəs ti jeːkʷəs. ækʷ-mæːʃʲt toræːt køæ̯lʲnæːt lʲoːmiː-tornə pæːtəs. ækʷ-mæːʃʲt sɒɣrəp torə ti læːpəs. torə læːpmæːt wojəl pupi-torəl meːxʷ-torəl ti læːpəs. ti jeːkʷəs ti jeːkʷəs, ʃʲiʃʲɣəs ti(ɣ) ɒjɣəs. ækʷ-mæːʃʲywt torə-køæ̯lʲnæːt lʲoːmiː-tornə pæːtəs. ækʷ-mæːʃʲt ɒlən-seːtəp-mɒnʲtə torə ti læːpəs. tok øæ̯ləxli ʃʲiʃʲɣi oa̯jɣi. tok ʃʲiʃʲəɣnæːt oa̯jɣənæːt mæntəl ækʷ-mæːʃʲywt torə ti roa̯ɣnəs, lʲoːmiː-tornə pæːtəs.

oŋk-ʃʲimər-toa̯wt pøæ̯ltəp kom jon koːntləs, koːntləs. kit kurəm iːtʲ kuːləm kʷænə ti jis. kʷæn kʷɒs jiːw jo kæːnəŋ pɘːwəl kæːnæːt kæːnəŋ uːs kæːnæːt rɘːpæm jiːwəŋ wor kojtəl rɘːpəs øæ̯təm, rɘːpæm puməŋ wor kojtəl rɘːpəs øæ̯təm. kinsəxʷ ti pymtsæːn, kissæːn ti kissæːn. ɒlən-seːtəp-mɒnʲtæːm kontəstə. kinsəs ti kinsəs, sɒɣrəpətæːm kontəstə. ɒlən-seːtəp-mɒnʲtæːm kinsəstə: koːt ɒlən-lɒpʃʲəx koji, koːt seːtəp-sop koji. ækʷæːn æːtəʃʲləsæːn ækʷæːn kotsæːn. sɒɣrəpæːt iːlʲmə mɘːŋkʷə ɒstæɣ jimtəs. pɒnlə(ɣ)-oːʃʲtəræːt kisməstə. kinsəstə kinsəstəː koːt pɒnlə-køæ̯li-sopə koji, koːt næːlə koji. jiːw-oːʃʲməʃʲæːt kisməstə. kinsəstə, kinsəstəː koːt jiːw-lɒpʃʲəkæːt koji, koːt pɒlʲ-lɒpʃʲəkæːt koji. søæ̯t lont wøæ̯ntə kisməstə. kinsəstə, kinsəstəː koːt pon-lɒpʃʲəx konti, koːt losəm-lɒpʃʲəx konti. towəl-wojəl oŋk-ʃʲimər-toa̯wtətæːm æːtəʃʲlæxʷ pymtəstə: koːt ɒŋk-lɒpʃʲəx konti, koːt roa̯w-æːnʲə konti. æːtəʃʲləsæːn, æːtəʃʲləsæːn, sok ti(ɣ) æːtəʃʲləsæːn.

ton-ti-karæːn søæ̯rəʃʲnə noa̯ləw ti rɒssæːn. woːt wøæ̯rəs, kop lowəxʷ pymtəs. kopnə pɘː-lowəsəwt, eːl-olt oŋk-ʃʲimər-toa̯wt lowəsəws, moːlə pil ni oŋk-ʃʲimər-toa̯wt, ænʲ pil ækʷ ton oŋk-ʃʲimər-toa̯wt. søæ̯t lont wøæ̯nt pɘː-lowəsəws, moːlə pil ni søæ̯t lont wøæ̯nt, ænʲ pil ton søæ̯t lont wøæ̯nt. jiːw-oːʃʲməʃʲ pɘː-lowəsəws, moːlə pil ni jiːw-oːʃʲməʃʲ, ænʲ pil ton jiːw-oːʃʲməʃʲ. pɒnlə(ɣ)-oːʃʲtər pɘː-lowəsəws, moːlə pil ni pɒnlə(ɣ)-oːʃʲtər, ænʲ pil ton pɒnlə(ɣ)-oːʃʲtər. pɒnlə(ɣ)-oːʃʲtər ji-pøæ̯lt sɒɣrəp pɘː-lowəsəws, sɒɣrəpæːt øæ̯lməjəstə: moːlə pil ni sɒɣrəp, ænʲ pil ton sɒɣrəp. ɒlən-seːtəp-mɒnʲt pɘː-lowəsəws: moːlə pil ni ɒlən-seːtəp-mɒnʲt, ænʲ pil ton ɒlən-seːtəp-mɒnʲt.

towəl-wojəl ækʷæːn æːtəʃʲlaxtəst. uːs-uːtrəŋ-uːsnə tow ti minəst. uːs-uːtrəŋ-uːsnə minəm mɘːɣənæːnt æjnə-teːnə wøæ̯rsət. æjəxʷ teːxʷ pymtsət. æjnæːnəl teːnæːnəl eːlə-pøæ̯l søæ̯t eːl æjəst, eːlə-pøæ̯l koːt eːl teːsət. jæni pupi lakəl jæni toːrəm lakəl tow i wontəs. il-sæːstəlæːnə pɘːwəl-owlæːt il-sæːstəliːtə, il-sæːstəlæːnə uːs-owlæːt il-sæːstəliːtə. ton ʃʲinətæːtəl, ton kænʃʲətæːtəl ænʲ pil ti oːli, tokælʲ pil ti oːli. eːrɣəm pil oːləs, moːjtəm pil oːləs.

Imprint - Privacy Disclaimer - Contact
Last update: 24-08-2023